Kungliga biblioteket, KB si le Shvedoski nationalno biblioteka. Amaro khidimos pe knigi zal palpale majbut sar jek mija bersh ande vrama thaj bariol svako djes.

Ame chidas andre, inkeras thaj kheras te aven avilibilni svako fialo kaj si avri dino ando Shvedo – de katar ramome lila, knigi thaj magazinura zi kaj musika, tv-programuri thaj patreci.

KB si jek themesko departemento thela e Edukaciako departemento.

Katar censuro zi kaj kulturako barvalimos

O bersh 1661 avilo jek zakono ando Shvedo ke musaj te den andre pesko material. Kado znachil ke le manush kaj ramonas musaj sas lenge te den jek exemplaro pa pesko materialo ando KB. Anglunes sas kado zakono sar jek instrumento po censuro, jek metoda le themeske te inkeren kontrola pe manush. Adjes kado del ame zutimos te inkras le Shvedosko kulturako barvalimos

Pozno thela le 1900-bersh sas barjardo kado zakono zi kaj hanguria, patreci kaj bolden pe thaj gejmura po data. Ando bersh 2012 vi sas thodino pashe jek kaver zakono ke musajij te des andre elektrikako materialo.

Amari chidini buchi si adjes gindi ande majbut sar 18 miljonura objektura. Majbut anda kadala si inkherde ande magasinuria thela phuv.

Majbut sar ferik shvediska

KB si jek rhodimaski biblioteka kana avej kaj zanglimos pa them thaj humaniora. Anda kodo si ame vi literatura pe but diferetni chibja pa subjektura sar historia, sociologia thaj arto.

Ame vi chidas andre materialo anda kavera thema thaj si les phanglimos ka Shvedo. Kado vi znachil knigi kaj si boldime, numa vi sar exemplo gejmura katar shvediska manush kaj si lengo pala pravo thaj filmura kaj si pa Shvedo.

Jek zor kana avel kaj indipendentno rhodimos

Ame chi inkras ginduria vaj alosarimos pe kodola materialura kaj ame chidas andre. Sa si chidino sar kaj si, savi tena avel e forma vaj contento. Anda kodo si o KB jek zor kana avel kaj indipendentno rhodimos, tuke thaj kodole generacienge kaj si te aven maj angle. Majbut si amari buchi pa demokratia, jekhimos, thaj phuteri possibilita te gindos manush sar mangel.

Ame kheas progresso pe Bibliotekako Shvedo

KB vi si les e buchi te kheren jek progresso thaj te den zutimos ande buchi kana avel kaj shvedisko bibliotekako sektoro.

Ame sar exemplo las avri le Shvedoski officialno statistika pe biblioteki, kado del jek prezentacia pe fakti katar biblioteki pa sa o them. Ame vi chidas andek than e buchi pa phuterdo acesso kaj scienfiticni publikaciji. O cello si ke o resultato katar rhodimos kaj si finansovano katar o them si te avel po jiva te gines, te cirdes thele thaj te hulaves.

O KB vi kheren jek administracia thaj progresso pe nationalno bibliotekaki kataloga Libris. Ande late si desh miljonura titlura – knigi, magazinura, skirimata thaj patreci – katar paschi 500 shvediska biblioteki.

Savore shaj aven ando KB

Majbut anda le manush kaj aven ando KB si studentura thaj rhoditora, numa sako shaj te avel kathe. Numa musaj tuke te aves maj cera 18-bershengo vaj bershengi te les jek karta te shaj les vundzile. Majbut anda amaro materialo musajij te manges maj sigo thaj kheres studia po than ande biblioteka. But anda amare knigi anda kavera thema shaj les vundzile khere te manges. Tena san tu ramome ando Shvedo si specialni regli te shaj les vundzile khere materialo. Amare bucharia mangen te den tu zutimos.

Le amensa kontakto

E-mejl: info@kb.se
Telefono: 010-709 30 00

Adresso pe vizita

Humlegårdsgatan 26, Humlegården, Stockholm