Krajisko Bibloteka, KB, kade bušol e Švedosko nacionalno biblioteka. Amari kolekcia si zurales purani maj but sar 1000 beršengi, taj ži adžes feri barol.

Ame kidas, las sama, garavas, inkras sa so si ando Švedo. Sar kenjvi, gazeti/novini, džila, programura på TV, taj vi patretura/bildi.

O KB si jek anda švedisko departamento kaj si tela Utbildningsdepartamentet.

Katar censura ži kaj kuturalno barvalipe

Ando berš 1661 avilas jek zakono ando Švedo. Ke sako firma so kerel kenjvi, patretura/bildi, lilla pe falura kaj šonas, musaj sa lenge te den jekh kopia ando KB. Anglunes sas kodo zakono te avel sar jekh censura pe manuš, taj vi te avel e temes maj bari kontrola pe manuš. Kado purano zakono kerdas kade ke adžes si e Švedos baro kulturalno barvalipe.

De 40-50 berš palpale, kerdžilas o zakono ke vi filmura taj spelura/gameura musaj te šon taj te avel ando KB. Ando berš 2012 avilas inke jek zakono ke vi sa elektronitsko material musaj te šon ande KB.

Amari kolekcia si zurales bari, upral 18 miljonura bajura, si amen kate. Aj kadal bajura si garade aj inkerde ande bare pintsi tela phuv.

Maj but sar feri šveditska

KB si jekh rodismaski biblioteka, pa buča kaj si pa ”samhällsvetenskap” aj pa ”humaniora”. Anda kodo si litteratura pe but šiba, pa historia, sociologia aj ”konst”.

Paša kodo si vi kavere themenge materilaura kaj si pangle e švedosa. Kadalesa phenas ke si literatura kaj si temutne feri ke si boldine pe švedisko šib. Kate si vi filmura kaj si pa švedo, taj vi spelura/gameura, so švedanura kerde.

Jekh than kaj si neutralno rodipe

E materilalura kaj si kate ando KB, ame či das cena pe lende vaj te dikhas ke či si verderime. Sa garavas sa sar si. Anda kodo si KB jekh than kaj šaj keres jekh rodipe kaj si neutralno, vi tuke, taj vi kavera generaciji so aven palamande. Amari buči žal avri pe demokracia aj po jekhipe.

Ame bararas e bibliotekakos Švedo

E bibliotekaki buči si te inkrel aj te vasdel sa e biblioteki pa intrego Švedo. Kate keres vi kodo ke las angle e oficialno statestika pa švedoske bibloteki. Ame keras kodi buči, ke sako kon kamel te avel te aven kate, šaj diken, ginaven sa le oficialni publikaciji. O them šutas love pe kado rodipe te avel sakoneske slobodo te ginaven, te len tele, aj vi maj dur te ingren kodo so ginade aj dikhle.

O KB inkrel taj vi bararel e nacionalno kataloga LIBRIS. Kate si 13 miljonura titulura – kenjvi, gazeti/novini, patretura- kaj si anda 500 švediska biblioteki.

Sakoneske si o KB puterdo

Kate po KB aven maj but e studentura aj le roditora, ale sakoneske si slobodo te aven kate. Te kames te les uzule vareso katar o KB, musaj te aves maj cera 18 beršengo te den tu e karta. Kana kames te les uzule varesosko materialo amendar, musaj te bestelulis maj anglal kodo, taj musaj kate ande biblioteka te bešes. Maj but anda amare kaver themutne kenjvi, si slobodo te les tusa khere. Te na san skirime ando Švedo, atunči kaver sar si, kana kames te les tusa khere. Ale ame kate sam te žutisaras tut.

Le amensa kontakto

E-post: info@kb.se
Telefon: 010-709 30 00

Amari adresa

Humlegårdsgatan 26, Humlegården, Stockholm