Gonagaslaš girjerájus, KB, lea Ruoŧa našunálagirjerájus. Min čoakkáldagat olahit eanet go duhát jagi maŋos áiggis ja lassot juohke beaivvi.

Mii čohkket, seailluhit ja dahkat anolažžan buot mii buvttaduvvo Ruoŧas giehtačállosiid, girjjiid ja aviissaid musihkkii, tv-prográmmaid ja govaid.

KB lea stáhtalaš Oahpahusdepartemeantta vuoláš eiseváldi.

Sensoris kulturárdnii

Jagi 1661 váldo adnui láhka geatnegasvuođadoaimmaheapmi Ruoŧas. Dat mearkkaša ahte prentejeaddjit leat geatnegasat doaimmahit ovtta stuhka iežaset materiálas KB:i. Álggos láhka lei sensorinstrumeanta, vuohki ruvdnii dárkkistit riikkavuložiid. Odne dat veahkeha min seailluhit Ruoŧa kulturártna.

1900-logu loahpas viiddiduvvui láhka siskkildit jiena, lihkki govaid ja dihtorspealuid. Jagi 2012 bođii lassin láhka elektronalaš materiála geatnegasvuođadoaimmaheapmi

Min čoakkáldagat siskkildit odne eanet go 18 miljovnna objeavtta.

Eanet ii beare ruoŧagillii

KB dutkangirjerájus servodatdiehtagis ja humanioras. Danin mis lea girjjálašvuohta máŋgga sierra gillii ávdnasiin dego historjá, sosiologiija ja dáidda.

Dan lassin mii čohkket olgoriikkalaš materiála mas lea guoskevašvuohta Ruŧŧii. Dat mearkkaša jorgalit girjjiid, muhto maid ovdamearkka dihte spealaid ruoŧa vuođđudeaddji olbmuin ja filmmaid mat guoskkahit Ruoŧa.

Gáldu iešráđálaš dutkamii

Mii eat árvvoštala eatge sille materiála man mii čohkket. Buot vurkejuvvo nugo dat leat, beroškeahttá hámis ja sisdoalus. Danin KB lea gáldu iešráđálaš dutkamii, dutnje ja boahttevaš buolvvaide. Iešalddis min bargu guoská demokratiija, dásseárvvu ja friddja oaivilhábmema.

Mii ovddidit Girjerájusruoŧa

KB bargun lea maid ovddidit ovttasbarggu Ruoŧa girjerájussektoris.

Earet eará mii váldit oidnosii Ruoŧa almmolaš girjerájusstatistihka, mii ovdanbuktá dieđuid olles Ruoŧa girjerádjosis. Mii ovttastahttit maid barggu dieđalaš prentehusaid rabas geavaheapmái. Ulbmilin lea ahte vearroruhtaduvvon dutkama bohtosa sáhttá friddja lohkat, láddet ja juohkit.

Dan lassin KB hálddaša ja ovddida našuvnnalaš girjerájuskataloga Librisa. Dat siskkilda logi miljovnna nama – girjjiid, aviissaid, áigečállagiid ja govaid – sullii 500 Ruoŧa girjerádjosis.

Buohkat leat buresboahtin KB:i

Eanas KB gallededdjiin leat studeanttat ja dutkit, muhto buohkat leat buresboahtin deike. Muhto don fertet leat badjel 18 jagi vai sáhtát skáhput luoikankoartta. Eanas min materiálain don fertet diŋgot ovdagihtii ja studeret báikki nalde girjerádjosis. Máŋggat min olgoriikkalaš girjjiid sáhttá luoikat ruoktot. Jus it leat veagadatčállon Ruoŧas leat sierra njuolggadusat ruovttotluoikamii. Min bargit veahkehit du mielainis.

Váldde oktavuođa minguin

E-poasta: info@kb.se
Telefovdna: 010-709 30 00

Galledančujuhus

Humlegårdsgatan 26, Humlegården, Stockholm