Gåangkeles gærjagåetiem lea Sveerjen nasjonaale gærjagåetie. Mijjen gærjah leah bijjelen stoerretjuetie jaepieh gååvnesamme, jïh biejjeste beajjan jienebh gærjah sjidtieh.

Mijjieh tjøønghkebe, vaarjelibie jïh vååjnosne buektebe, gaajhkh mah Sveerjesne bæjhkoetåvva. Tjaalegh, gærjah jïh plaerieh, musihke, tv-programh jïh guvvieh.

Gåangkeles gærjagåetiem lea staateles åejvieladtje, øøhpehtimmiedepartemeenten nuelesne.

Sensuvreste kultuvreskaahtan

Jaepie 1661 orre laake pliktleveransen bïjre Sveerjesne bøøti. Laakesne tjåådtje ahte dïhte gie maam akth bæjkohte, tjuara aaj akte eksemplaare Gåangkeles gærjagåatan aaj buektedh. Aalkoevistie laakem akte sensurinstrumeente lij, akte vuekie staatefååmese almetjidie vuartasjidh. Daenbien laakem mijjem viehkehte Sveerjen kultuvreskaehtie vaarjelidh.

1900-låhkosne aaj tjoeje, jielies guvvieh jïh datovrespïelh laaken nuelesne bøøtin. Jaepie 2012 orre laake aaj bøøti, pliktleveranse elektronihkeles materijaalen bïjre.

Daenbien mijjieh vielie enn 18 millijovnh aath utnebe. Jeenemes dejstie, våarhkojne eatnemen nuelesne vøørhkeme.

Vielie enn daaroengïele

Gåangkeles gærjagåetiem lea akte dotkijegærjagåetie, siebriedahkemaahtoe jïh humaniora faagine. Dannasinie mijjieh aaj litteratuvre ovmessie gïeline, ovmessie aamhtesinie utnebe. Vuesiehtimmien gaavhtan histovrije, sosiologije jïh kåanste.

Mijjieh aaj materijaale ålkoelaanteste tjøønghkebe, mij ektiedimmie Sveerjine åtna. Vuesiehtimmien gaavhtan gærjah mah leah jarkoestamme, bene aaj spïelh mij naan svïenske almetje dorjeme jïh filmh mah leah Sveerjen bïjre.

Gaaltije dotkemasse

Ibie mijjieh vierhtedh jallh joekehth materijaalem maam tjöönghkebe. Gaajhkh vöörhkesåvva. Dan åvteste Gåangkeles gærjagåetiem lea akte gaaltije dotkemasse. Dutnjan jïh båetije boelvide. Mijjen barkoe lea demokratije, seammavyørtege jïh frijje åssjalommesi bïjre.

Mijjieh gærjagåetie-Sveerje evtiedibie

Gåangkeles gærjagåetien barkoe lea aaj ektiebarkoem Sveerjen gærjagåetiej gaske evtiedidh.

Mijjieh Sveerjen gærjagåetiestatistihke bæjhkoehtibie, mij bïevnesh gærjagåetijste vuesehte. Mijjieh aaj øørnebe juktie gaajhkesh maehtieh daajroes teeksth lohkedh. Ulmiem lea ahte illedahkem: Dotkeme mij lea skaehtiebeetnegistie maekseme, edtja gaahpode årrodh, gaajhkesidie mah sijhtieh lohkedh, juekedh jallh våålese leessedh.

Mijjieh aaj dïhte nasjonaale gærjagåetie-katalogine, Libris, barkebe. Katalogesne luhkie millijovnh bijjietjaalegh, gærjah, plaerieh jïh guvvieh gååvnesieh - madte 500 daaroen gærjagåetijste.

Gaajhkh leah buerie båeteme Gåangkeles gærjagåatan

Jeenjemes Gåangkeles gærjagåetien guessijste leah learohkh jïh dotkijh, bene gaajhkesh leah buerie båeteme diekie. Bene datne tjoerh bijjelen 18 jaepieh årrodh, jïh akte løønemekåarhte øørnedh. Jeenjemes mijjen materijaaleste tjoerh dongkedh jïh gærjagåetesne lohkedh. Gellie mijjen gærjah ålkoelaanteste maahtah hov gåatan løønedh. Jis ih Sveerjesne tjaaleme, dle sjïere njoelkedassh dïsse. Mijjen barkijh datnem viehkiehtieh.

Gaskese

E-påaste: info@kb.se
Telefovne: 010-709 30 00

Guessie-årromesijjie

Humlegårdsgatan 26, Humlegården, Stockholm